今日 (4月27日), 星期日, 祖記總部休息, 所以只在外邊影下相。其實佢關左門仲好, 咁我地可以喺門口做乜都得啦!
其中發生左一d趣事 ~~ 我地係門口影相時, d車經過, 入面d人好多亦頗好奇望望下。 之後因為我地攞埋支旗出來影相, 吸引到連一架行過嘅旅遊巴士, 都慢駛左, 入面嘅人望晒出來, 有d仲舉起相機影相添!!!
先影一下 ~ 上年來時冇點留意到嘅總部後面嘅花園同埋泊車地方。
純粹本人推測, 2006年比索圖在祖記總部嘅一樓 "跌"左落地, 唔知係咪從呢邊嘅其中一個窗跌下呢?
後花園一角, 放左一個紀念碑, 紀念當年所發生令人至今仍舊非常悲傷嘅球迷騷亂事件 - 希素爾慘劇。事件發生於1985年5月29日, 地點: 比利時Heysel Stadium, European Cup (歐洲冠軍球會杯)決賽賽事: 利物浦對祖記, 因為一幅牆倒冧, 導致39名祖雲達斯球迷死亡, 當中38位係意大利球迷, 1位係比利時球迷)
**********************************************************************
根據Yahoo網上知識 (http://tw.group.knowledge.yahoo.com/ff-tw/listitem/view?iid=80)所講:
Heysel 1985 海瑟爾
這是歐洲盃(European Cup) 1984/85的總決賽, 相當於現在的歐冠盃總決賽, 地點在比利時首都布魯塞爾的海瑟爾球場(Heysel Stadium, Brussels), 隊伍是英格蘭Liverpool 和義大利Juventus.
比賽前官方犯了大錯 - 他們把球場中靠近Liverpool球迷區的位置賣給普通球迷(一般來說支持兩隊的球迷要分開才行), 當時雙方球隊都反對, 因為布魯塞爾有很多意籍移民, 一定會買票去支持Juventus, 會有起衝突的危險. 不過後來官方按照計畫進行, 結果是球賽還沒開始,
雙方球迷就開始互相丟東西, 有一群Liverpool 球迷往中間擠過去, 很多Juventus 的球迷怕了, 開始逃, 造成大群人壓擠. 球場的牆壁跟結構支持又很老, 守不了衝擊, 結果垮下來, 壓死了 39人(大部分都是支持Juventus 的義大利人). 當時為了怕造成更大的恐慌, UEFA 還是讓比賽進行, 後來Juventus 以1-0贏, 當上歐洲冠軍, 進球的是法國當時的大將Platini.
Liverpool 不能參加歐洲比賽其實是英格蘭足總的懲罰. 當時英格蘭Football League 立刻規定Liverpool 以後十年不得參加歐洲比賽(後來降為六年), 其他英格蘭球隊五年內也不准參加歐洲比賽. Heysel 球場後來重建了, 現在叫做King Baudouin Stadium.
*********************************************************************
祖記總部正門嘅外貌。
拿頭先睇波送嘅黑白旗出來同總部影張合照先!
今次終於有張同總部嘅合照, 非常開心。
因為今次留在都靈一個星期, 進修一下 (所謂!!!!), 而我住嘅當地人家, 屋企係幾近祖記嘅總部, 每日我搭車返學架巴士都經過總部, 搞到我又想在佢地辦公時間又去多次睇野。
於是乎, 兩日後嘅星期二, 放學後, 迫於無奈掉低我個friend, 真係有d神經, 我又去白撞總部!!
入門口處有個宣傳祖記足球學校嘅板。
入到去, 格局同上年一樣, 而且我認得連個保安都同上年一樣添呀! 我行埋去話我係祖記球迷 (好廢話), 講佢知我上年來過, 而且見過佢, 不過好明顯, 佢一日見咁多人出入, 邊度記得我來過得ga! 哈哈哈!
佢由得我影相, 咁我就影幾張留念先! 當然唔可以周圍走啦。
今次見唔到任何職員行過, 所以冇上年咁好彩有人自已提議帶我上去呢層度影相。不過都唔緊要啦, 上年上過去都已經好開心喇, 邊會成日咁好彩呢。
呢條樓梯就係上上面睇d獎杯同張大poster喇。而樓梯隔離對門, 應該係去個後花園 (我估)。
保安哥哥今次都有少少cool, 但就唔係惡個種。佢個counter位就係在此喇, 我唔敢影佢同張枱, 所以只係影左張枱嘅下半部咋。
個位保安如同上年一樣, 攞左一疊今季 (2007-08) 嘅全隊posters比我, 質感同上年一樣, 係膠面, 一面係彩色, 另一面係黑白的。同Edwin在香港時派嘅posters係一模一樣。
因為賴死唔走 (哈哈), 我就搵野講下。我同保安講我係祖記官方member, 仲喺銀包攞左張卡出來比佢睇, 點知佢見到就即刻叫我等等, 喺個櫃度攞左個今年 (2008年)嘅祖記官方月曆送比我, 佢話只係Special Memebers先至有。 好彩我口水多過茶死同佢吹水, 先知有樣咁正嘅贈品!
然後我又好無聊咁話我鐘意馬基安尼, 佢又叫我等等, 在一個櫃筒攞左一疊大約有5R Size咁大嘅post cards出來, 但搵左輪, 搵唔倒馬基安尼post cards....我本來好想問佢有冇Palla嘅post card的, 但唔好意思又問, 於是就咁算數。剛過去球季 (2007-08)祖記嘅全隊poster。 Palla又係著好sharp嘅波砵 ~ 藍色喎!!
呢個就係位保安送嘅月曆。個月曆好似同保方 (阿蘇利門神)之前在佢個blog度講佢買嘅月曆一樣....
8月嗰一版有Palla, 佳基拉同查斯古特嘅相。 難為我下個月揭到呢版時, Palla都唔係踢緊祖記呢.....
個月曆原來成為 9.9歐羅喎!!! 咁都好, 我個Special Memebership一年成36歐羅, 咁攞番個official calendar, 算係其中一個會員福利啦!!!
~~ 穿梭意大利2008 ~~ 待續 ~~
No comments:
Post a Comment