又要攞呢個地圖出來幫下手...
未到意大利之前, 我個旅行partner Samantha已經從網上資訊得知, 意大利在5月9日 (即係今日!)會有全國性大罷工。不過佢地D工會都幾醒, 一路都冇講到, 邊D交通工具會有司機同職員罷工, 罷工嘅時間係乜。我地雖然成日check住消息, 不過都未知。直至好接近罷工日期, 我地先攪清楚係: 佛羅倫斯當日9am to 1pm會大罷工。
我地睇新聞報道, 發現同認識到, 意大利唔同地區, 有唔同罷工時間, 例如: 佛羅倫斯罷工時間係9am-1pm, 咁所有由呢個地方開出嘅火車、巴士等交通工具會停晒。而都靈 (舉例), 可能佢地當日嘅罷工時間就係 4pm-8pm。每個大城市都選在繁忙時段罷工, 攪到最多人受到影響!!!
在意大利 (或者好多歐洲國家), 罷工係等閒之事; 但對於我地呢班時間就是金錢嘅窮旅客, 一日好重要的, 遇啱今日仲要帶埋行李過Siena, 好麻煩呢。我地事前都有兩手準備, 睇下到時情況, 如有變化就會多留佛羅倫斯一日 (當然最好唔好咁攪啦)。好彩, 出發前一日, 在火車站check清楚佢地罷工時間。 為左避開呢個罷工, 我地選左8:10am去Siena嘅一班火車。
到達Siena時間supposed係9:30am, 但我地冇喺意大利遇過罷工嘅經驗, 幾驚佢地D火車司機, 會在火車途中, 搭正9am就停車唔開車, 如果咁就多得佢地唔少。好彩... 佢地冇咁痴線!!
佛羅倫斯嘅SMN火車站 (大站) ~ 一年都黑都係咁繁忙多人 (小心財物同貴重物品)
佛羅倫斯嘅SMN火車站嘅Departure牌, 留意底下尾二個行寫有罷工資料:
"Venerdi' 09-05-08 sciopero nazionale F.S. Dalle ore 09.00 alle ore 13.00"
(=Friday 09-05-08 全國性火車罷工, 時間 9am至1pm)
***** 在意大利, 識 sciopero (罷工)呢個字真係好重要 *****
***** sciopero係單數, 而 scioperi係眾數 (即係多過一個罷工) ******
到達Siena後, 個火車站真係好靜, 得番烏蠅同蚊。
好討厭, 呢個火車站又係冇電梯! 又係要拖行李落樓梯, 真係頂!!! 呢個係地底行人路 (sottopassaggio), uscita係意大利文出口的意思。
經過一輪艱苦之旅, 終於到達我地間hostel, 途中辛酸簡直不能三言兩語講比大家聽!!!!
我地間hostel好正, 不但只乾淨, 仲好寬敞光猛添。高度推薦
個kitchen任用, 仲有D唔駛比$嘅食物添呀, 發達呀. Kitchen外邊有個balcony, 可以走出去坐。另外, 可以免費用洗衣機 (包埋洗衣粉!), 而用internet亦係免費, 實在太好.
若果我有機會再去Siena, 我一定住番呢度, 一定一定
從我地房間望出去。
出去玩了!!! 先步行去hostel 附近嘅church.... Chiesa di San Domenico。
Siena最著名嘅 Piazza del Campo (最高個塔那處), 個度係Siena鎮最旺嘅地方, 好啦, 我地就朝個度進發喇!!
~~~~ 下回繼續Siena之行 ~~~~~~
~~ 穿梭意大利2008 ~~ 待續 ~~
No comments:
Post a Comment