不過為左唔好遲到, 同埋想在場外d攤檔睇下野, 所以雖然場波3pm先開波, 但我地1pm就到達左場外了。原來唔少球迷都已經到達左, 真係好有心。
呢張唔係入場卷, 而係可以在中間15分鐘休息時去食野嘅飛 (即係舊年我都有去食野嗰度。)
場外嘅攤檔好多野買, 種類仲係喺official store見唔到嘅產品添。不過我唔係買左好多野, 只有一條頸巾同埋一個祖記車仔。
都靈奧林匹克球場外觀。
嘩, 呢位球迷, 持著拐杖都來睇波, 真係夠神心喇!!!
我地都入場囉! 當時都係得嗰1:30pm, 不過我地想, 場內應該多野睇d嘛....
幸運地, 我地坐祖記後備席後第四行, 仲前過上年添, 太好了。不過唔駛太替我開心, 大家都知意甲d觀眾席比較遠, 所以一定唔似得香港大球場或英超d位咁近個球場。 當然, 已經好好喇, 好近距離咁睇波。
入場時, 有職員在門口派旗, 初時以為要$, 我仲問要幾$, 點知個職員話 "E' libero" (免費)。發達!!!
早入場果然有著數, 因為原來有部份球員因為時間早, 著晒西裝走出場度傾計!! 當時見到馬基安尼仲興奮到痴線咁滯 (當然瘋狂影相啦)。 佢右手邊個位就係Edwin喇....我都係祖記來香港時, 搵番呢d相先發現番 !! 我仲將其中一張show比Edwin睇, 佢都好愕然。 (我喺第一日見到佢時已講比佢聽我剛去完都靈睇呢場波)
時間尚早, 影下相先! ？上年一個人來睇波冇人幫我影相, 今次唔同喇!!!
d球員晨早出來踢波熱身, 我地d球迷就依嘩鬼叫!!! 著紅色鞋個位就係Palla喇, 好易認。
終於, 球賽開始了! 坐定定睇波先。因為集中睇波關系, 影相唔多。 我仲發現祖記主席大人原來就坐在我地附近咋.... 我影左佢相, 不過d相在另一架相機, 仲未過落個電腦添!!!
場內氣氛勁high, 每有入球, 全場就揚起d黑白旗。而個主持就大叫個入球球員個名 (first name), 我地d球迷就接住大叫球員嗰個姓氏。 唔少得仲有播歌慶祝添。
我地覺得呢場波真係好抵睇, 因為除左祖記贏波外, 場波仲大比數完結, 5:2, 祖記大勝拉素 5:2!!! 2個入球來自基亞連尼, 另外隊長, 甘莫蘭尼斯同查仔各入一粒 (冇記錯的話)。一場波入7粒, 好小何呀!!! 基亞連尼賽後在場接受電視台訪問。
不過最最最不幸係, Palla呢場本來在賽事後半部有得出場, 但唔知仲乜, 當準備出場時, 職員又叫佢著番衫! 真老土, 睇唔倒佢落場添。(好彩, 佢在香港場波係正選上陣, 踢足全場... 而且仲全場波都喺正我地前面踢呀)!!!
~~ 穿梭意大利2008 ~~ 待續 ~~
No comments:
Post a Comment