! 上完山玩完 Toboggan Run, 參觀完 Monte Palace Tropical Garden 之後, 就要好無奈地要出D落番山。點解呢? 是關山上仲有一個好靚嘅公園叫做 Jardim Botanico, 而且仲有另一段 cable car可以坐, 但因為要睇一年一度嘅 Flower Parade, 唯有預番早少少時間落番市中心啦
!!Flower Parade係 Madeira Island一個好重要嘅節慶, 每年都吸引無數島上嘅當地人、葡萄牙本土以至外國旅客參與。今次計劃行程時, 本來係唔知道碰上Flower Festival & Parade, 因為 festival通常都在3月舉行, 但今年就首次在5月舉行
!Flower Parade 4pm先舉行, 我未到3pm落番市中心, 沿海邊一帶已經非常熱鬧, 除左唔少遊人已經聚在封左路嘅兩旁等緊之外, 又有唔少著得好靚嘅表演者走在路上, 做 models給途人影相。
其中兩位 Flower Parade 嘅年幼表演者, 笑容燦爛地勁擺 poses比我地影相!
下圖所見嘅部份地方, 係畫左做專用座位區, 只有特別人士, 例如島上當地人或者個別被邀請人士, 先可以憑票安坐位子上舒服睇 Flower Parade... 至於其餘人士, 例如本人呢.......
....就緊係得個企字啦!! 哈哈哈!
好喇, 企足一個鐘, 終於到4pm喇, parade開始喇!!! 我原先係企在第二排, 但實在太好彩, 遇上排我前面一對葡萄牙情侶, 個男仔全程都幫我影相, 所以大部份影出來嘅相都幾好, 好清之餘又唔會張張相都係只影到人頭! 感謝晒呢對我唔相識但咁熱心嘅朋友!
歷時個半鐘嘅 Flower Parade, 好精彩, 除左每部花車都佈置得色彩繽紛, 連每位表演者都穿著得花綠綠! 我企左個半鐘, 加上陽光好強烈, 所以真係好倦, 但又有種不能形容嘅興奮, 因為能夠從老遠嘅香港, 山長水遠來到 Madeira Island, 睇到一年一度咁盛大嘅花車巡遊, 好難得呢
。睇完 Flower Parade, 第二日一早, 就會去行山!
穿梭葡萄牙/ 意大利之旅 2011 - 待續! (Levada Walk)
No comments:
Post a Comment