意大利 (Italy) Amalfi Coast 四圍行 (1) - 絕美 Sorrento

今日朝早有少少懶洋洋, 嘻嘻, 本來應該早些起床, 不過呢個旅程已經行左好多日了, 來到 Napoli, 應該學似當地人咁, 休閒一下, 唔想做旅行奴隸   ! D景點去到就去, 去唔到就下次返來再繼續啦! 哈哈!

每次返意大利, 都有種返鄉下嘅感覺, 因為感覺好親切, 但係......要視乎係去意大利邊個城市。若然係 Torino (都靈), 咁當然係我繼 HK之後第一家鄉啦, 至於跟著要講嘅目的地, 若果有錢的話, 絕對係我肯在此留一世都願嘅地方 --- Amalfi Coast!

呢兩晚嘅根據地係 Amalfi Coast其中一個小鎮 Sorrento。由 Napoli ---> Sorrento, 最經常選用嘅方法係搭 Circumvesuviana train line, 由 Napoli 直坐到最後一站 Sorrento。

Sorrento與 Napoli, 講真, 真係幾似兩個世界! 到達 Sorrento, 氣氛同我在 Napoli時有大分別: 在 Sorrento呢度, 9成人都係遊客, 個個都 hea 下 hea 下, 治安亦當然好很多, 應該唔駛驚搶劫呢種事情, 感覺安全自在。

Sorrento 街景 ----> oh, 點解我在 Sorrento 只係影左兩張相咁少??!!  下次再去影多幾張補番數先得, 嘻嘻嘻。

 

反而, 我就猛咁影左好多張我間 hotel 嘅相! 呢間 hotel 真係好型, 係我嘅豪花之作 !  如果會去 Sorrento, 而又唔太計較駛費的話, 住在呢度最少一兩晚就最理想!! 除左地理位置極好, 在市中心之外, 我住呢間房好正架!!! 各位 睇睇相...

張床夠晒大! 全間 Hotel 有wi-fi, 好方便。留意一下我個房個百葉門。

洗手間: 乾淨衛生!

原來推開對百葉門, 係出去自己個 balcony!!

唔該, 呢度係食早餐嘅地方.... 早餐係送到埋來, 唔駛自己去攞的!! 哈哈哈! 咁優美嘅環境食早餐真係開心爆。

 

實情告訴大家, 我係無意中被 "安排" 來左呢度住, 但故事太長, 費時長篇大論在此講了!  特別強調, 一定要提嘅係, 呢間酒店嘅負責人.... 好型好靚仔好友善好溫文 !!!

真係....在意大利搵個又型又靚仔嘅男人真係好容易!!! 雖然, 靚仔唔代表一切 。

下集繼續 意大利 Amalfi Coast 之旅!!

穿梭葡萄牙 / 意大利之旅 2011! 待續!

My Book: 50 Ways to Improve Your Portuguese

It's been some time since I started learning Portuguese by myself. It's not easy to do it by myself (i.e. without any help of a teacher/tutor at class).

Needless to say, studying a language by oneself needs extra motivation of learning and determination, because without any push from a teacher/tutor, it's so easy to become lazy, lol. I have been trying to make a study schedule for myself, however, I have never been able to do so, lol. 

I have a number of textbooks and grammar exercise books with me. I have been reading the textbooks, listening to CDs and doing exercises.  The best thing would definitely be the chances to practise what I have learned in real life.  How much I wish I were living and working in Macau so at least there would be the learning environment.

How excited I was when I saw this book "50 Ways to Improve Your Portuguese" on the shelf in a bookstore yesterday.  I quickly snapped it, lol. This is a book written by one of the best known Portuguese language writers called Manuela Cook. I have been following her another book called "Complete Portuguese".  She writes in a very systematic way and I have learned quite a lot so far. 

Well... I'm planning to read one chapter (= one way) each day to improve my Portuguese.  So hopefully within 2 months (less than 60 days) I should have improved much of my Portuguese! Ha!




Image from: Amazon.co.uk

意大利 拿玻里 Napoli 四圍行 (3) - Under City Tour

在拿玻里 Napoli 嘅時間話少唔少, 但亦唔係咁長, 今日有一整日時間, 所以要把握每分每秒呀!! 早上跟 B&B嘅 超好人 host在 Napoli 市中心行左一個圈, 佢話我有時間一定要去參觀地下城, 咁當地人都咁大力推薦, 冇理由唔去的!

Napoli Sotterranea (Under City)係 Napoli 其中一個最重要嘅旅遊景點, 不過幾奇怪嘅係, 問過好多去 Napoli 玩嘅人, 好似唔係太多人知有呢個參觀地方, 唔知係宣傳不足, 定係大家對呢個地下城興趣不大呢。

參觀 Napoli Sotterranea 係一定要跟導遊走, 所以我參加左一團英文團, 導遊係拿玻里人, 講很好嘅英文。

個團分兩部份的:
1st part: 去一個地下 Roman Theater! 之所以係地下, 因為在大約40年前無意中發現出來的! 入呢個 Roman Theater, 要先入一間屋, 再由導遊打開暗格, 落下面參觀, 過程好得意架!!

 

 

 

2nd part: 呢 part夠晒甘喇, 因為要落121級樓梯, 行好窄嘅秘道、睇地下水道 (aquaduct)、地下溫室 (greenhouse)、2次大戰 (WW2) 時嘅防空洞 (bomb shelter)、大水塘, 非常特別嘅地方, 好值得參觀呀!!   

圖右: 有一段好窄嘅路, 我地要點著蠟燭行, 過程刺激又好鬼得意! 勁正呀!  

 

 

 

呢個導遊團大約 90 minutes, 導遊一路同我地行, 一路詳細講解歷史, 簡直好似上左一堂歷史堂
咁呀, 睇書都未必搵到呢D咁豐富嘅資料, 長氣尋氣都要講多次, 呢個地下城真係好好好值得參觀呀!!!!!!! 

明日我就要坐火車過 Sorrento玩兩日喇! 

下集繼續 意大利南部 (Amalfi Coast) 之旅!!

穿梭葡萄牙 / 意大利之旅 2011! 待續!

意大利 拿玻里 Napoli 四圍行 (2) - 參觀製陶店

在拿玻里 (Napoli) 逗留期間, 我參觀左一個頗特別, 令我印象深刻嘅地方, 就係一間 workshop。
呢間 workshop在 Napoli 歷史悠久, 創業於 1836年, 係一間用陶瓷 (terracotta) 手造 figures嘅店舖。呢間店舖位於 Napoli 市中心嘅行人區, 與眾不同之處在於, 店內所有工藝品都係工人親手製造, 只此一間, 現在嘅掌陀人係第二代嘅 Marco, 我參觀當日, Marco亦在店內 !!

 

  呢間店在意大利非常著名, 而有在意大利居住嘅香港朋友更加在之後告訴我, 呢間店經常被當地電視台訪問架!!! 怪不得店內放滿好多名人參觀該店時同 Marco 嘅合照啦  !!

大家能否在以下兩張相片中, 找尋到邊個名人明星呢??

 

 

雕像造得好迫真, 手工非常精緻。

 

 

 

 

 

除左正經嘅聖人像, 耶穌誕生場景等雕像外, 仲有唔少攪笑之作!!

 

下集繼續 Napoli 之旅!!

穿梭葡萄牙 / 意大利之旅 2011! 待續!

意大利: 拿玻里 Napoli 四圍行 (1) - 市中心遊

在葡萄牙玩唔夠食唔完 , 不過冇辦法, 一定要離開喇 。本來可以再繼續講多一至兩篇有關今次葡萄牙旅程嘅點滴, 但講得太長好似已經有些少尋氣, 哈哈, 咁不如就開始講我呢個旅程接著要來嘅另一個國家啦!!

意大利 !!  睇怕唔需我多廢話, 熟悉我嘅朋友都知道我另一個超鐘意嘅國家係意大利!  計劃行程之時, 有考慮今次去唔去意大利呢? 因為自從 2008年去左3個星期意大利後, 已經隔左3年冇返 "鄉下"喇  ! 雖然有排都未行得晒, 但唔知點解中北部嘅意大利對我而然已經唔多有興趣 (除左我鄉下 Torino 例外, lol), 我一直最想去嘅南部, 就因為不斷被形容為 "危險、打刧、搶東西、黑手黨" 等等呢D負面形象而令我有所恐懼。

最後查詢左一位朋友, 仔細問過佢嘅意見之後, 我決定今次個 trip 一定要去埋意大利, 而且係要去 NAPOLI (拿玻里) !!!

朋友上年因為一些原因而逗留了 Napoli 大約1個月, 佢一個女兒家都玩得開心, 我諗我 survive 到掛!! 哈哈! 我今次先逗留 Napoli 2晚, 然後會去 Amalfi Coast 嘅其中一個著名小鎮 Sorrento 住 2晚, 再返回 Napoli 住 1晚, 先至坐飛機回香港。

差不多所有去過意大利南部嘅朋友都話佢地停留其間係住在 Sorrento, 只係以 1-day trip 形式過去 Napoli 玩一日, 我今次住左 Napoli 3晚, 可能已經好不同凡響 。

朋友推薦我在 Napoli 時住一間 B&B, 佢話那間 B&B嘅 兩個 hosts超 nice超 friendly, 咁我就信我朋友啦!

由於到達 Napoli 國際機場時會係 9:30pm, 而我間 B&B係有 car pick-up service (正爆, 只需額外多付 10 euros), 錢唔係最大問題, 出得來旅行有些錢預左要花, 無謂攪到自己麻煩就得啦。

冇錯, 朋友冇老點 !!! 呢間 B&B除左 好乾淨 & 衛生之外, 兩位 hosts 真係好人到 + 01    !! 勁好呀! 點好法呢??????????

我去到那晚, 其中一位 host 已經同我講, "你聽朝在呢度食左早餐後, 我帶你出市中心行一轉, 等你知點去 D景點, 同埋有乜地方唔可以唔去, 仲有你可以知道點行返來 B&B"! 超級感謝, 我出路又遇貴人喇 !!!!

Source: http://www.big-italy-map.co.uk/map-of-naples-map.htm


就係因為多得host 第二朝帶左我成朝周圍行, 令到我省回好多自己亂行亂搵路嘅驚險場面, 亦令我一開始對 Napoli 市有好清楚嘅地理認識, 同埋知道晒邊D地方要小心, 邊D地方我可以在接著而來嘅幾天裡可以去、可以玩。

先在: Piazza Carita'一帶行下, 入內參觀左:  Chiesa Santa Chiara & Gesu' Nuovo (in Spaccanapoli District)

 

 

 

 

 

Napoli 算係人口相當稠密嘅大城市, 每條大街都人頭湧湧; 而整個市中心區又有好多狹窄小巷, 每條都好似看不到盡頭。我並唔夠膽自己行入小巷, 因為呢D可能正是搶劫最佳地方, 跟大部分人走最安全。

 

Doll Hospital - 幫公仔緊急救命嘅店!!  

 

相信 Napoli 最為人熟悉嘅應該係: 大大小小嘅巷 (左); 意式食品 (右)。 

 

Corso Umberto I (Umberto I Street): Napoli 市其中一條最重要嘅大馬路, 一邊盡頭去到 Napoli 火車總站, 沿路直至 Piazza G. Bovio (Universita' 地鐵站)為止。平日呢條馬路嘅兩旁行人路盡是小販在擺地攤販賣不同物品。

 

Castel Nuovo: Napoli 嘅地標建築之一, 建於 1282年, 歷史悠久。

 

Galleria Umberto I: 從 Castel Nuovo行過少少, 就會見到一座建築得好華麗嘅建築物, 就係 Galleria Umberto I。呢個 Galleria跟米蘭著名嘅 Galleria Vittorio Emanuele II 在建築上非常相像。

 

 

 

Piazza del Plebiscito (Plebiscito廣場): 呢個廣場係模仿梵蒂岡嘅聖伯多祿廣場 (Piazza San Pietro)。 

 

Via Toledo (Toledo Street) 係 Napoli 其中一條最繁忙最熱鬧嘅 shopping street! 呢度係我在 Napoli見到最多遊客嘅大街。

下集繼續 Napoli之旅......

穿梭葡萄牙 / 意大利之旅 2011! (待續)