旅程中最重要一個目的地就係都靈! 去得都靈，都因為我係想去睇波，唔通我去開商務會議咩，哈哈！ 講時講，都靈真係好有business feel...首先有咁感覺，係由呢處開始....
我由倫敦Gatwick機場坐飛機過去都靈，全機坐滿。我睇全機人只得我一個係 - 唔係生意人或者都靈人！架機大部人都着晒西裝：例如, 坐我隔離個兩位仁兄仁姐，坐低，架機一起飛，就在公文袋攞晒d文件、files出黎，好似傾梗大生意咁！我橫顧四周，原來好多人都做梗同一樣野！但我就....拿左本 "手指意大利"同 "開始在意大利自助旅遊"兩本書出黎睇！我好似黎錯地方咁添!! 死喇，都靈係咪好悶蛋?? 究竟除左去睇波、去市中心間Juvestore買野、諗住白撞祖記個總部、去埃及博物館參觀同埋我最想睇嘅都靈裹屍布之外，會唔會悶足5日4夜嘅呢????
係唔會！因為好戲在後頭!!! 因為除左係Juvestore狂買野、成功白撞祖記總部同埋睇左場波之外，更加有唔少完全係意想之外嘅奇遇, 希望慢慢講下啦。
後來我記番起，唔怪得咁多西裝人啦。除左因為都靈傳統上係一個工業城市外 (FIAT總部設在都靈相信好多人都知), 我去都靈那段時間剛剛係佢地一年一度嘅國際書節 (international book fair)，所以個城市變得好熱鬧。有日我係一個 tourbus上面，坐我隔離位女士同我傾計，原來佢係作家 (印度女人), 第二次來都靈，剛剛出席左一個talk, 被訪問。佢已經有兩本書被翻譯成意大利文！嘩，乜有個咁勁嘅人坐左我隔離!
Tourbus上面位tour guide講，原來都靈好多菲律賓人，但佢地並唔係黎做女傭，佢地係居民! 乜原來咁多菲律賓人鐘意移民去都靈咩??? 真係唔講唔知。但鐘意移民嘅中國人，可能都靈唔係佢地first choice, 因為我係都靈5日，見到嘅中國人極之少，數埋應該冇10個。
待續......
都靈機場的入境大堂真係非常咁 "簡單", 但原來上層嘅離境大堂好鬼大 (重有另一間Juvestore添)!
2006年冬季奧運在都靈舉行，市中心依家都仍然有d擺設紀念。
都靈市中心非常整潔乾淨，而且係頗安全嘅城市, 可能同一般人想像嘅意大利有d唔同。
露天茶座，在歐洲好普遍，在都靈都唔例外。
No comments:
Post a Comment