因為一個人在旅途上，而由都靈落羅馬, 需時頗長。之前在香港計算過, 坐火車的話, 就算坐Eurostar系列火車，都好似 (依家唔太記得清楚了)成4-5個鐘，但坐內陸飛機就只需要個零鐘 (亦係大概, 因為依家已經唔太記得清楚了); 考慮到一個人坐咁長時間火車, 冇人睇行李, 行出行埋去洗手間好唔方便 (最重要係驚唔見行李)。不過, 在不同途徑搵便宜嘅歐洲或意大利內陸航機資料後, 發現一係根本就冇飛機由都靈飛去羅馬，一係就唔啱我要求。如果我想容易的話, 可以一開始揀意大利航空公司 (Alitalia), 不過我對呢間航空公司零好感! 是關呢間公司d員工經常罷工, 而且據聞佢地航班亦成日delay。為呢個搭飛機問題煩惱左一段時間....突然有一日，想起.... 祖雲達斯球員在主場比賽時, 後備席d櫈椅上, 咪寫晒 "Air One"嘅....
在飛機起飛前越早日子在 Air One網頁上買機票越着數, 都靈單程飛去羅馬, 只需大約港幣500元, 但坐eurostar (快速火車直達羅馬)亦係500幾蚊! 當然, 坐火車唔駛早2個鐘check in, 又唔駛過關, 慳番好多時間。不過因為前述原因，決定坐飛機去羅馬。
在都靈坐番機場巴士去機場, 車費5歐羅, 需時只需大約30分鐘，而且我想應該冇塞車問題。
可以一早在旅遊中心買定車票，或者在上車處前面的一間bar (下面的那間)買飛；當然可以上機場巴嗰時先買飛，但唔建議, 因為竟然要比多 0.5歐羅!! 若果你有一張 Torino & Piemonte card (分一日、三日等等), 買機場巴士票仲有少少discount的。
經過之前一日在廸爾艾比球場嘅教訓後，今日我晨咁早出去機場check in。 原來機場個出境大堂非常大, 同樓下個袖珍入境大堂比較, 簡直係不能同日而語!!
去counter攪完check in後, 就諗住揾定個過關位置, 然後週圍行到夠鐘先過關。點知 ~~ 我一眼望到在過關處左右兩邊好起眼的舖頭: 右手邊係Juvestore, 而左邊就係拖連奴嘅專門店! 咁我就決定即刻過關，然後入Juvestore睇野 and/or買野!! 註: 之前我一直以為祖雲達斯得一間在市中心嘅專門店添! 另外, 要注意一點, 機場的Juvestore係在入左海關後的, 所以如果你唔係會坐飛機出境都靈的話, 你係不能進入得到呢間專門店的。
入到間Juvestore舖, 第一眼係見到一個好大嘅祖雲達斯logo在幅牆上面, 入面又有球員簽名板!! 間舖冇第二d人客, 而當時收銀處得一位應該坐到悶死咁滯嘅員工!!
見佢cool cool地, 不過都要走埋去問人准唔准影相.....佢話, 得, 冇問題, 於是我就係咁影相喇!!!
球員簽名呀，見唔見到你嘅 favorite players呢?
有d興奮事件喺呢間舖發生。話說我影左相一陣後，頭先本來看來有d cool cool地嘅職員走過來, 話幫我影下相，當然唔該晒啦!!
佢非常好人，叫我企喺邊個位好，邊個位影得靚。之後又幫我同條簽名板影相。跟著, 佢突然話等等....跟著將一頂粉紅色嘅祖雲達斯cap帽戴喺我頭上，話咁正d。影完後又話, "唔得，張相見倒頂帽嘅膠掛鉤，然後走去攞把鉸剪剪左佢! 再接著，佢又話, "等等"...佢攞左條頸巾叫我戴著黎影!! chi cha! 影左! 我見佢咁好人, 當然請佢一齊影張啦, 又叫佢拿住條頸巾, 我幫佢影張!! 
見佢條祖雲達斯頸巾幾靚，問佢幾$, 只係5歐羅, 幾抵喎, 咪問佢d頸巾擺喺舖嘅邊度, 我都想買條。點知佢話, "條頸巾我!!!"
"冇得買, 因為我係Ultras member, 係個會出的, 只有會員有得買。" 嘩嘩嘩, 乜條頸巾竟然係佢借比我戴黎影相!!", 好好人喎。
之後我話佢知, 我之前一日去左球場睇波。原來佢都有去睇，仲拿佢架相機出黎, 播d佢錄左嘅片段我睇, 其中一段仲係廸比亞路由帶波到入左一球嘅片段, 好勁喎, 佢點知佢會入倒波，錄晒嘅???!!! 果然係超級祖記球迷!!!
之後我地仲好興奮咁喺間舖度噪之巴閉, 猛咁講場波同球會嘅野, 攪到後黎入舖睇野嘅顧客好好奇以為我地仲乜....
我只係買左個祖記月曆 (好似5歐羅), 幫襯不多, 不過阿好人 (亦頗靚仔, 同廸比亞路一樣名))嘅職員送左d野比我喎!!!
第一樣禮物, 係一d祖記貼紙 (我依家都唔捨得用)。
跟著, 佢又送左兩個國家燙章比我，仲教我話好易燙上波衫，仲開左其中一個包裝, 揾個中文
說明比我, 叫我跟著做就得喇, 佢真係超級好人。
之後我返HK發現, 一個一樣嘅國家燙章, 原來賣HK$60!!!!
我喺呢間祖記專門店, 只買到一樣野, 就係呢個官方月曆喇, 個月曆都幾靚下。
祖雲達斯專門店嘅紙袋 ~ 我唔捨得再用, 只留為紀念。
最後, 呢位職員仲送我出門口, 同我say完goodbye, 見我走左先返入舖!! 超級gentleman!!
今次都靈旅程中所買下嘅紀念品，同埋場球賽嘅入場券 (在banner中祖記logo下面, 月曆隔離)。入場券寫左我個名，而入場時要出示身份証明文件的，好鬼嚴格。之前我買飛時, 都已經要登記出生日期同出生地, 睇場波要問咁多野, 要咁多資料做乜 (聽講所有意大利足球賽事入場嘅意大利球迷都要提供呢d資料)!!!
告別都靈喇, 遲d再見啦!!!
(從飛機上影的)
~~ 都靈奇妙之旅, 完結 ~~
請看之後的 "穿梭羅馬" (不過未出版, 哈哈)
不過大家都叫做尊重佢，冇噓佢。
