不過最後, 都係忍唔住買埋件主場衫...反而我尋尋覓覓, 都仲未搵到件熱拿亞嘅主場同作客球衣, 就算搵到, 都只得大米嘅字; 大米我就冇興趣喇....
呢件作客好靚好型, 金色係今年勁hit, 祖記都領導潮流, 好野!
我由此至終都係想印 Molinaro, 但我由季初等到依家, 都等唔到佢嘅字, 據講有Moli字嘅機會係非常之少, 所以我放棄等Moli, 不過我其實都唔知印邊個好, 最初想印達哥或者Nedved, 但舖頭話冇佢地嘅作客字, 得Amauri, 冇興趣! 基亞雲高, 亦都冇興趣, 我心裡面嘅#20只會得一個人想印。最後......事鬼但但啦, 基亞連尼啦! 橫掂從來未印過佢, 就作出第一次啦!
下面件主場, 係意外之選.... 買作客唔買主場好似唔完美, 呢個真係買野嘅籍口。 因為舖頭之前有主場落場版, 所以在嚴重手痕之下買左佢, 適逢隊長當時在歐聯分組賽表現超級犀利, 就印左佢名 & 號碼喇。下次, 真係要轉下人, 儲晒成隊嘅球衣都幾好bor!
No comments:
Post a Comment