新球衣 & 舊球衣印號碼

終於的起心肝, 今日趁食午飯時間, 閃左過銅鑼灣自由球奧古度印番我D祖雲達斯球衣嘅號碼同名。事緣有兩件祖記球衣, 咁耐以來都冇印號碼, 上次同奧古講開唔知佢地仲有冇號碼, 原來都仲有部分號碼佢地有貨.... 經過一輪考慮, 就決定印佢地嘅號碼喇...

2005-06主場球衣:
由於所餘嘅號碼不多, 所以雖然森保達在呢個球季之後即刻跳船走佬, 不過話晒佢在祖記都有好多建樹, 所以印佢啦。

 

2006-07作客球衣:
呢季球會雖然降班, 不過當然繼續支持球會啦!  主場球嘅衣一早已買並印左隊長嘅號碼同字; 反而當時作客號碼懸空左... 本來想印番Palla, 可惜依家已經冇貨, 所以就印左尼維特啦 (佢就快退休, 但我從來都冇佢號碼嘅球衣)。

我幾鐘意D字嘅色, 幾搶眼。

 

2008-09龍門球衣:
第一次買龍門球衣!  呢件球衣, 係跟大隊一齊入貨嘅!  香港版保方 (哈哈!!)幫我地在祖記官網處集體訂購嘅, 唔該晒。要講講今次我好失策, 諗住買件細碼OK, 點知著起件衫先發現, 個身fit, 但個heap位部分非常窄 (雖然知道呢個位置會窄D, 但現實係超出我意科之外咁窄), 根本冇可能著呢件衫出街, 唯有當佢係底衫咁著, 外著多件外套。咁即係話, 起碼要秋天先可以著呢件衫晒冷 (但又晒唔到背後個保方字添...失落....)

 

祖記Tee:
竟然搵衫時無意中搵番兩件Tee, 仲要係我差D都唔記得有呢兩件衫添....

第一件係上年在都靈間Juve Store買嘅, 係祖記為女球迷而設計的。我著過一兩次, 就洗乾淨, 入左袋。所以頭先出來影相發現件衫 "chow chow"瘀瘀咁添。

呢件同上邊件衫係一齊買的, 唔同嘅地方係 ~ 呢件衫連招紙都未剪走, 全新未著過, 同上面件衫一齊摺好入袋收起。

意大利國家隊球衣!!

雖則由1994年世界杯開始, 已經迷上意大利, 不過儲國家隊球衣都只係由2006年先開始。好好彩, 一買佢地就奪得世界杯冠軍!!!  收藏品少得可憐, 我只係至在參與, 整理比大家睇睇我嘅迷你收藏, 唔好笑我... (次序由最近期開始):

2008-10年國家隊主場球衣:
意大利第四次勇奪世界杯冠軍後, 球衣上就有四粒星喇!  剛過去嘅2008歐洲國家杯比賽, 意大利隊就著呢件球衣作賽。我當然要印廸比亞路啦, 今次好有機會係佢最後一次代表國家隊踢大型賽事, 一定要支持佢。

2008-10年國家隊作客球衣:
意大利四粒星嘅作客球衣。我夢想係可以印Palla, 不過佢今次歐洲國家杯並冇入選, 但我亦想買件作客,  (因為球衣靚質地又正), 唔印Palla, 第二選擇就係卡斯辛奴喇。 好彩佢今屆比賽表現出色, 冇令球迷 (包括我在內)失望。如果Palla黎緊入選國家隊踢2010世界杯嘅話, 為左慶賀佢, 到時買多件國家隊主場球衣印佢名同number支持佢又點話吖, 哈哈!!

2006-08年國家隊球衣:
意大利勇奪世界杯冠軍後嘅第一件四粒星球衣。

呢個係邊位嘅親筆簽名呢?  我都唔知!!  事緣上年9月巴治奧去廣州宣傳奧運, 阿Yuen有飛去睇巴治奧, 叫埋我去, 咁我就即日來回廣州。話說巴治奧幫球迷簽名, 我攞唔到佢簽名, 但佢嘅經理人 (佢阿哥??)就簽左名落呢件波衫度!!

2006年意大利國家隊世界杯奪冠球衣:
意大利歷史性地第四次勇奪世界杯冠軍, 就係著住呢件球衣。 當然我都係支持廸比亞路啦, 好開心佢終於為國爭取到至高榮譽!

Juve祖雲達斯2005-09年球衣!!

見到各位嘅球衣同其他有關足球收藏品, 放上來分享, 覺得好正, 各位嘅收藏種類同數目認真唔野少!!  哈哈!!  我嘅收藏品一定唔會及得各位 (尤其係我05年球季先開始儲), 不過都想有系統地整理一下, 所以都放d物品出來 "陳列"一下, 不過就少得很, 唔好見笑喎.....(由最近年開始排列):


2008-09球季作客球衣:

最新鮮熱辣嘅今季球衣, 剛剛昨日先在自由球奧古那邊買入。未有名同號碼, 之前想好會印摩連拿路以作支持, 但係我覺得咁耐以來, 我都好黑仔, 所以都係唔好連累Moli...點好呢?  印邊個好呢?  又唔想印唔鐘意嘅球員, 所以....另外, 我可能今季唔可以買埋件祖記主場, 因為我仲要破費買熱拿亞主、客場波衫支持Palla。今季買咁多波衫真係攪到我人都顛。

2007-08球季主場球衣:

原先我有件馬基安尼主場波衫, 帶左去都靈, 諗住搵佢簽名; 不過因為人太多, 未見到佢搵佢簽名, 就已經在混亂中跌左件衫落地都唔知道, 而且好快比人執鬼左, 激到我飛起。跟著就打左個好貴嘅長途電話返香港比奧古, 請佢幫我hold過一件新嘅, 好彩竟然仲有馬基安尼嘅字添喎, 返到香港就即刻去奧古度買過件新的 (因為趕住幾日後祖記來香港時搵馬基安尼簽名嘛)。最可惜係....原來馬基安尼真人衰到爆, 總之唔好攪咁多野啦!!!

馬基安尼嘅親筆簽名...對於我, 呢個簽名現在冇乜特別感覺囉, 唯一就係叫做有收藏價值啦。

2007-08球季作客球衣:

呢件係我珍藏中最貴重嘅, 因為有Palla嘅親筆簽名!!  件衫在球季開始前已經決定買的, 因為上年見到Palla後覺得佢實在太nice, 所以一定要印佢number以示支持!

今年四月去都靈時見到Palla, 所以搵佢在波衫上面簽左名。不過因為支筆嘅顏色唔夠深, 所以個簽名簽得唔太起眼。

到5月祖記來香港時, 又見到Palla呀!  我拿住件波衫, 同Palla講個簽名唔清楚, 點知佢搵支極之清楚嘅紅色筆, 打側件衫, 簽在個號碼上邊。而最開心同驚喜係, 佢竟然寫埋我個名同一句說話在件波衫上面添, Palla實在超好人...你話我點可以唔鐘意佢得ga!! 

2006-07球季主場球衣:

雖然呢季因為電話門事件, 祖記要被降班, 不過無損對球會支持。呢季我仲印左隊長廸比亞路添。但太蠢, 竟然冇帶件衫去都靈搵佢簽名, 如果唔係一定簽得到, 依家想翻起都好後悔。

2006-07球季作客球衣:

第一次買埋作客球衣添...從此個荷包好唔掂; 而個衣櫃都呈逼爆現象!! 

2005-06球季主場球衣:

我第一件買嘅祖記球衣, 喺倫敦一間體育店買嘅, 當時仲話大減價, 但後來發現都係比喺香港買貴啦....。

都靈篇 (Torino) (六) -- 祖雲達斯朝聖之二

繼續都靈的祖雲達斯 (Juventus) 朝聖之旅

都靈市有三間祖雲達斯的官方專門店 (Juventus Store), 全部都不難找到的, 讓我現在為大家簡單介紹一下:

(1) 市中心 Via Giuseppe Garibaldi (Garibaldi路) -- 這是在市中心的行人步行街上, 只要你知道那裡是 Piazza Castello (Castello廣場) 的話, 它旁邊其中一條大街就是 Via Giuseppe Garibaldi了。這間店的職員很好, 都說英文, 而且都准許在店內拍照。

這間專門店有一條簽名柱, 簽滿了很多前一代很多祖記球員的簽名, 包括 Del Piero, Nedved。詳情請參看我的 "穿梭都靈2007"的遊記。

適逢我在都靈時, 祖記已經早兩輪聯賽贏得第31次意甲聯賽冠軍, 所以已經出了非常多的慶祝物品, 包括T-shirt, 鎖扣, banners等。

(2) Lingotto 的 8 Gallery -- Lingotto略為離開市中心少許, 是另一個集展覽館、大商場的綜合性區域, 除了 8 Gallery外, 還有一座超大的Eataly超級市場, 附近又有都靈汽車博物館 (遲些會另有介紹), 所以是很值得花時間來Lingotto走一個圈的。

來Lingotto很容易, 乘搭地鐵最方便。

在店門外見到那麼多紀念品, 已經興奮得控制不住, 即衝入去!

超多精品呀, 只在祖記專門店購物都可以令球迷破產!!

Via Garibaldi店有一條簽名柱, 至於Lingotto店的鎮店之寶, 就包括祖記幾位很受球迷歡迎的球員的簽名球衣。

(3) Juventus Museum裡的商場 -- 這間專門店在球場旁邊的商場裡, 店子比較寬敞, 逛得比較舒服。這間店是3間之中最新的, 在新球場 Juventus Stadium 開放後同時開始營業的。

不過個人覺得這間店的選擇不是太多。

每間專門店裡買的東西都不盡相同, 所以如果大家去到其中一間店, 看到心頭好時, 不訪先買下它, 反正3間店裡的物品售價都是一樣。另外如果你是祖記會員, 買東西有九折優惠的, 所以記住在付款前先出示會員証。

還有一點, 想購物祖記的紀念品, 其實除了祖記專門店外, 都靈市內還有不少商店都有售賣一些在專門店並沒有見過的紀念品, 有可能不是真貨, 但對我們球迷來講, 是真是假好像沒有太大關係, 做得靚和特別的紀念品都想掃貨呀!!

穿梭意大利之旅2013 - 待續!