唔見左幾日, 是關剛剛去左北京玩左5日。之前一路做緊補習嘅工作, 唔知道有機會返番舊公司做, 一早book左去玩! 所以被迫返左工3日, 就要同公司請左3日 no-pay leave, 去北京。
今次因為係用airmiles, claimed免費機票, 再加上有朋友在北京工作, 可以住佢屋企, 所以呢次旅行好便宜
。
今次自由行係比較冇乜準備之旅, 一半係因為唔得閒; 最重要係因為諗住有朋友帶路, 攪到自己懶
!! 想同大家介紹我買呢本旅遊書, 真係好有用
!! 香港出嘅旅遊書, 通常我都冇乜好感, 唔會買, 因為睇落就知係幫唔同舖頭賣廣告, 都唔係講景點!
但呢本就唔同, 真係介紹景點, 講好去處, 點去, 同埋佢地入面介紹嘅食店, 係真係好正的, 我冇被佢地老點呀!!!! 哈哈哈!!
對上一次去北京, 已經係大約7、8年前了, 冇乜記憶, 加上當時係參加英文團, 全部講解係英文, 同今次好唔同呢!! 今次自己去, 冇人解釋, 自己睇資料, 但大部份時間有朋友一齊, 佢係半個國語人, 所以好方便呢!!
咁耐冇再來北京, 原來北京變左好多!! 更繁榮, 但又不失濃厚嘅歷史氣氛呢。
北京首都機場好大, 而且設計好有中國建築特色。
我在厠所入面影的...我見到呢塊牌想
!
"locking the toilet door is for my convenience"??? ---> 鎖門一d都唔convenient喎, 咁麻煩
...... Locking the toilet door is for my safety and privacy好似啱d。
Airport Express好新好快好方便, 只需25元人民幣, 大約30分鐘就去到市中心。
北京市地鐵基本上去晒我想去嘅大部份景點, 萬里長城除外, 但講真, 我同我朋友好多時都係搭的士, 因為實在便宜同埋方便, 搭好遠都係10幾蚊一程的士, 好過坐地鐵上上落落兼行餐死轉線, 加上...北京地鐵還有安檢, 麻鬼煩。
北京部分地鐵月台、轉線路程上、車卡裡都冇冷氣, 好熱好焗! 而有部份亦因為已經興建左多年, 所以比較舊。
北京地鐵, 如果要同其他地方比較的話, 我個人覺得:
--> 同HK地鐵有些少似樣, 同埋一樣咁多人, 但MTR新d, 乾淨d, 同埋冷氣開放, 有好多舖買野。
--> 同Torino地鐵相比, 個人覺得Torino那些車卡比較細, 而且Torino嘅地鐵好似成日都冇乜人坐, 好靜, 而且好貴, 搭一程不論遠近都收 1 euro, 北京地鐵只收 2元人民幣咋。
--> 同Roma嘅比, 一樣一日到黑都咁多人, 一樣係部份車卡冇冷氣; 不過個人相信, 北京比起羅馬地鐵一定安全100倍以上。
下回同大家分享我在北京食嘅美食....同埋我玩左一個危險玩意呀!!!!!!
穿梭北京之旅 2010 - 待續! 
