真正的搬家了 - 請再移玊步.....

******* 各位, 由於Yahoo blog很快會關閉 (2013年12月26日). 因此本人無奈地要將Yahoo blog內的所有文章轉過來 blogspot。

經過艱巨的11小時的失敗再研究, 問人再研究再失敗再問人再研究, 終於, 終於攪好了! 

在此要特別多謝blog友Ben的熱心幫助, 非常感激他的指點。

各位, 這個blog, 由於純粹是只將每篇文章從 Yahoo Blog那裡, copy and paste過來, 後來從其他blog友處知道, 這樣做是有問題的, 因為到年尾Yahoo Blog正式關閉後, copy and paste的文章裡的所有相片就會看不到。

因此, 我要從頭開一新blog, 將在Yahoo blog 裡的所有文章, 連同相片和blog友回應, 用正確方法大遷移, 經過昨日的辛苦, 終於攪好了。

所以由現在起, 請移玉步, 改去 --> http://torinohk1010.blogspot.hk/。

現在要好好的多研究一下blogspot的各樣functions, 好能繼續和大家分享各類有趣味的事情。*******

學習意大利語 Learning Italian!

voicexml

不經不覺間, 正正式式咁學意大利文都學左差不多兩年了。 又一次証明, 學一種新東西真係要投入好多時間、金錢、心機, 仲要好鬼有堅持，好有耐力、恆心。 依家每個星期要返兩日學 - 星期三晚銅鑼灣兩個半鐘; 最期日就下午兩個鐘, 去到對於我來講係山長水遠嘅大埔。忙忙碌碌.....

其實上堂係一件事, 之後溫書又係另一件事。每次都有好多新野, 若然在下一堂之前冇溫到書嘅話，就會開始跟唔上，所以得的話, 我都盡量溫書, 不過因為呢排實在忙得交關，冇乜點溫, 後果即刻見到, 就係開始積埋好多嘅野....

有唔少朋友問過我, 意大利文難唔難學...我自已覺得學發音叫比較易, 因為一個意大利文字, 都係跟著vowels來發音；例如, camera (解房間), 見到有三個vowels (camera), 所以就讀成: ca me ra; 另外就有d字有特定發音, 例如, Inzaghi (恩沙基個姓氏), ghi讀成 gee, 所以就係 In za gee。對我來講, 最難應該係發個 "r"音, 要震著捲舌來講, 初頭覺得特別難 (好多香港人亦覺難讀到)。

不過....最難一定係文法，簡直攞命 (加埋我天份低呢)!! 拉丁語系最複雜之處 - grammar。 都唔明點解有10幾種tenses, 而每一個動詞都要改動, 簡直係人都顛。唔知大家明唔明我講梗乜, 舉個例子:

英文裡: "去"這一個動詞 - go, 現在式係 go/goes (視乎係 I, we, they, you, 定係he, she, it而唔同), 過去式係 went, 將來式係 will go。呢d大家實識啦。

不過在意文: "去"這個動詞 - andare, 現在式有六個可能 (!!):

vado (I go), vai (he/she goes), va (就如中文的: 您去), andiamo (we go), andate (你們去), vanno (他們去)

所以: Vado al bar (I go to the bar), Vai al bar? (You go to the bar?), Andiamo al bar. (We go to the bar.) etc....

記一個動詞, 要記6個轉法, 而呢個只係現在式, 如果係過去式, 又係有6個轉法:

意大利文 "去"的過去式:

andavo (I went), andavi (you went), andava (您went), andavamo (we went), andavate (你們去), andavano (他們去)

佢地係有幾種過去式的! 另外, 仲有將來式, present conditional, present subjunctive, imperative, present perfect, past perfect等等, 嚇鬼!!!

中文文法係咪易好多, 簡單好多呢??? 所以我讀咁耐以來, 見過無數人讀讀下消失左, 我覺得係絕對可以理解....如果唔係因為呢個係意大利文, 我都消失左好耐! 好多年前, 我搵唔到地方學意大利文, 就去學最接近佢嘅西班牙文, 不過最後頂唔順放棄左 (不過都花左有兩年時間, 上堂完全係浪費梗光陰同銀兩!!)。後來終於搵到學意文嘅途徑。

兩種語言嘅grammatical structures好類似, 有d字嘅串法同發音亦相似, 可能源於佢地都係拉丁語系。如果我之前唔係因為接觸過西班牙文, 我諗對我來講意大利文更難上手。

可惜在香港, 意大利文冇其它語言, 例如法文、日文甚至韓文咁流行, 如果多d人學意大利文, demand大, 價錢一定可以向下調! 雖然話難啫, 我相信香港地有好多有興趣學意大利文嘅有志之士。

T-shirt & 2011 calendar

替一位朋友上球衣店買一件球衣, 怎知自己都荷包出血, 見到一件祖記的 t-shirt, 就買了...好彩球衣店朋友給了我一個 discount, 所以叫做便宜了一點啦。

近排祖記的戰績真的差到不能再差, 已經3連敗, 再如此下去, 會不會要變成護級? 我都沒有多大心情看比賽, 應不應該多謝 NOW TV, 這麼一場大場比賽都可以沒有直播? 好!  我租 NOW TV來做甚麼? 難道真的為看4am/5am才開場的西甲嗎?

除了 t-shirt, 早一排多謝一位好友幫忙, 買了祖記今年的年曆。沒有想過要買, 但朋友通知我, 而她又準備來香港, 買了可以直接交給我, 實在太好了! 在此要特別再多謝那位朋友呢!

年曆的封面是這樣的。

黑面神已經去了 AC Milan....

他? 本來是我們的最大希望, 但就偏偏一早已經收工大吉了!

這個昆哥, 今屆豪無表現。

我們的隊長, 剛剛續約球隊一年。簽的合約竟然是空白的合約??!!

兩個巴西人 - 一個是正牌紅牌阿叔!!! 另一位則分明和球隊過不去, 是關之前在球隊像完全不懂入球似的, 但一被外借去 Parma後卻就連有幾個入球。

 

二線球員大雜會!!

請問我們的後防大柱之一..... 發生了甚麼事防得那樣差勁??

中場的希望......拜托幹些大事啦。

這兩位.....已經沒有甚麼意見想講....

Juve祖雲達斯2010-11年作客球衣

上一季 (2009-10)年, 我冇買到球衣, 因為祖記嘅主場同埋作客球衣一d都唔吸引, 加上球隊踢得實在太差, 簡直想抵制呀。

至於今季, 對上一場作客Udinese, 竟然4:0, 以為咁勁, 點知真係令球迷開心左3日咁大把!! 前兩晚主場對Palermo竟然又輸番1:3......睇黎都係放棄算喇, 冇眼睇。

冇眼睇球賽, 不過就一定買今季件作客, 因為件衫好靚呀!!!  你估我印邊個呢??

係Marchisio...實情我唔係最想印佢, 我想印Chiellini架, 但係我幫襯開嘅球衣店主場就有Chiellini嘅字, 作客冇, 不過就有Marchisio, 由於我非呢件作客球衣不買, 所以算啦, 印Marchisio啦, 橫掂祖記未來都有Marchisio份, 支持下佢啦。講開又講, 咁季嘅字都幾特別咁喎...

同場加映, 呢張貼子係朋友送嘅, 幾靚呀!! 多謝呢位朋友

Jersey of Palladino!

今日收到呢件球衣時真係好緊張好開心!!  非常多謝一位朋友嘅幫忙, 我終於得到一件熱拿亞 Palladino嘅波衫 !!!!  (I'm so excited when I received a parcel today.... thanks for the great help of a friend of mine, I at last have got a jersey of Genoa... a jersey of Palladino at Genoa!!)

人生第一件: 唔係意大利國家隊, 又唔係祖雲達斯嘅波衫!  Haha...

雖然08-09球季已經結束, 不過話晒Palla轉左去Genoa, 又打得咁好, 一定要支持佢先得! 件波衫一D都唔平, 而且係我所買過最貴嘅波衫, 但因為熱拿亞波衫太難搵, 就算上官網買都係咁嘅價錢, 所以冇分別 (後記: 朋友幫忙慳回自己尋尋覓覓嘅時間, 已經非常難得了), 哈哈哈!!  為左Palla, 破費一次, 買左件好靚嘅作客球衣!!  下個球季, 我都有興趣要多件... 希望下次搵到件主場啦, 哈哈哈!!  咁我就可以集齊佢在熱拿亞嘅主同客場波衫喇!!  唔該佢唔好再轉會 (返祖記就例外啦), 我冇咁多銀兩呀.....

後記: 希望朋友繼續幫我地謀求更多福利, 佢又搵到好多福利, 哈哈哈!!!

件衫又靚又白, 好滑淨的!!  簡直愛不惜手呀.....哈哈哈

我首次有件已經有埋章嘅球隊球衣。份外醒目好睇!! 

波衫係 "Made in Italy" 架!!  進口貨呀, haha!!

影吓熱拿亞嘅波衫心口先......

仲有當然就係後面啦!!  買件衫有一半係因為呢面啦!! 

 

My first football jersey!

我人生買嘅第一件波衫.... 如果冇記錯, 係1994年世界杯時買嘅, 真係歷史久遠, 哈哈哈! 
因為怕唔見左呢件波衫, 所以我收得好埋, 亦因為咁, 都唔記得放左去邊, 直至前兩日狂執衣櫃掉舊衫, 先搵番出來。

講番件波衫, 我當年已經係意大利球迷, 好鐘意一位叫薛洛尼 (Giuseppe Signori) 嘅球員, 唔知閣下知唔知呢位球員係何人呢?  佢當時係效力 Lazio (拉素)....

唔好意思, 件衫比較 "唔直" (haha), 冇辦法, 係櫃底搵番出來的。

 

件衫係... Made in Italy!  不過就係件...唔係真貨嘅波衫。

Juve祖雲達斯2009年球衣

今季嘅祖記球衣, 本來我只想買件作客, 因為金色好靚好型, 而件主場冇乜特別, 所以未有諗住買。

不過最後, 都係忍唔住買埋件主場衫...反而我尋尋覓覓, 都仲未搵到件熱拿亞嘅主場同作客球衣, 就算搵到, 都只得大米嘅字; 大米我就冇興趣喇....

呢件作客好靚好型, 金色係今年勁hit, 祖記都領導潮流, 好野!  我由此至終都係想印 Molinaro, 但我由季初等到依家, 都等唔到佢嘅字, 據講有Moli字嘅機會係非常之少, 所以我放棄等Moli, 不過我其實都唔知印邊個好, 最初想印達哥或者Nedved, 但舖頭話冇佢地嘅作客字, 得Amauri, 冇興趣!  基亞雲高, 亦都冇興趣, 我心裡面嘅#20只會得一個人想印。

最後......事鬼但但啦, 基亞連尼啦!  橫掂從來未印過佢, 就作出第一次啦!

 

下面件主場, 係意外之選.... 買作客唔買主場好似唔完美, 呢個真係買野嘅籍口。 因為舖頭之前有主場落場版, 所以在嚴重手痕之下買左佢, 適逢隊長當時在歐聯分組賽表現超級犀利, 就印左佢名 & 號碼喇。下次, 真係要轉下人, 儲晒成隊嘅球衣都幾好bor!